Skilmálar

Vefsíðan snerpathjalfun.is er rekin af Snerpa Coaching ehf, kt. 420424-1160 („Snerpa“, „við“, „okkur“). Fyrir spurningar um þessa skilmála, hafðu samband á info@snerpacoaching.is.

Snerpa áskilur sér rétt til að hætta við skráningu, t.d. vegna rangra verðupplýsinga, og til að breyta verði eða hætta að bjóða upp á tiltekna þjónustu án fyrirvara.

Allt efni á snerpathjalfun.is, þ.m.t. texti, myndir og æfingaáætlanir sem Snerpa útbýr fyrir fjarþjálfun, er í eigu Snerpu. Óheimilt er að afrita efnið eða dreifa því áfram án skriflegs leyfis.

Skráning er ætluð þeim iðkanda sem skráður er (eða forráðamanni fyrir hans hönd). Óheimilt er að deila plássi, aðgangi eða æfingaáætlun með öðrum sem ekki hafa greitt fyrir eigin þátttöku.

Skráning í fótbolta, handbolta og 60+ æfingar fer fram sem mánaðarleg áskrift í gegnum Sportabler/Abler og greiðist fyrirfram. Æfingafjöldi getur verið breytilegur milli mánaða, en mánaðargjaldið er jafnað út yfir tímabilið.

Hægt er að segja upp áskrift hvenær sem er í gegnum Sportabler/Abler og byrja aftur síðar - engin binding er fyrir allt tímabilið og enginn uppsagnarfrestur. Uppsögn tekur gildi frá og með næsta greiðslutímabili; þegar greitt gjald er ekki endurgreitt fyrir tímabil sem þegar er hafið.

Ef samstarf milli iðkanda og þjálfara gengur ekki sem skyldi, eða æfingareglur eru ekki virtar, áskilur Snerpa sér rétt til að segja upp aðgangi eða áskrift án endurgreiðslu fyrir ónýtta þjónustu.

Iðkandi (eða forráðamaður hans) ber ábyrgð á eigin heilsu og þarf að treysta sér til að taka þátt í æfingum. Ef um meiðsli eða veikindi er að ræða mælum við með að ráðfæra sig við fagaðila áður en tekin er þátt í æfingum eða fjarþjálfun. Með skráningu staðfestir iðkandi að hann taki þátt á eigin ábyrgð.

Við förum með allar upplýsingar sem þú gefur okkur í trúnaði og deilum þeim ekki með þriðja aðila nema nauðsyn krefji vegna reksturs (t.d. Sportabler/Abler vegna skráningar og greiðslu). Nánar má lesa um þetta í persónuverndarstefnu okkar.

Þessa skilmála ber að túlka í samræmi við íslensk lög. Rísi ágreiningur sem ekki tekst að leysa milli aðila, skal honum vísað til meðferðar hjá íslenskum dómstólum.

Snerpa áskilur sér rétt til að breyta þessum skilmálum. Breytingar taka gildi þegar uppfærðir skilmálar hafa verið birtir hér á vefsíðunni. Dagsetning síðustu uppfærslu er efst á síðunni.